香港音樂界盛事來了! Clockenflap 一年一度再次回歸,於今年 11 月 22 至 24 號一連 3 日喺中環海濱活動空間舉行,早前大會已經公布咗首輪表演陣容兼票價詳情,不過相信演出時間表一日未確定,樂迷們一日都仲會心大心細唔知去唔去好。趁?家門票做緊早鳥優惠,樂迷們不妨考慮一下狠心入手,?家就等小編話埋你知點樣買飛,做好準備!

早鳥優惠 85折入手各日門票

Clockenflap 每年都會做早鳥優惠,價錢會係即場門票嘅 85 折,而當中 3 日嘅門票又會比單日嘅門票更抵玩,可以聽盡中外樂團歌手之餘,亦有更多時間睇埋其他藝術演出、電影播放等等。 詳細價錢大家可以撳入去睇下,撲飛記得趁早,皆因早鳥優惠去到 8 月 21 就冇!

成人門票票價(Clockenflap 官網截圖)
全日制學生門票票價(Clockenflap 官網截圖)

買飛可以邊度買?

想買Clockenflap 嘅飛有兩個途徑,最方便係上官網買,另外亦都可以喺 Clockenflap 舉辦期間親身去到現場買飛。如果喺官網買飛嘅朋友可以跟住下面幾個步驟:

Step 1:進入 Clockenflap 官網,按右上角「買飛呢邊」或直接進入 ticketflap 網站

Step 2:揀好你想買嘅門票,按購買後填寫正確嘅個人全名

Step 3:註冊成為 ticketflap 會員

Step 4:輸入信用卡資料,完成付款過程

Step 5:最後會收到入場嘅 QR Code,到時喺現場就可以憑 QR Code 入場喇!
 

直接進入 ticketflap 網站(ticketflap 官網截圖)
選擇門票,按購買後填寫正確嘅個人全名(ticketflap 官網截圖)
註冊成為 ticketflap 會員(ticketflap 官網截圖)
輸入信用卡資料,完成付款過程(ticketflap 官網截圖)

成個購票嘅過程只有10分鐘,超時嘅話就要重新由選擇門票開始再買過㗎喇!至於音樂節嘅演出陣容同最新時間表就可以入官網睇番:
 https://www.clockenflap.com/

買飛要趁早!唔好後悔啊

By Y3HK

發佈留言

發佈留言必須填寫的電子郵件地址不會公開。 必填欄位標示為 *